Dated Aizawl, the 2nd July, 2004
Download 15.63 Kb.
|
- Navigate this page:
- No.A- 4/17/04-pub/AZL 02072004 1430hrs
PRESS INFORMATION BUREAU GOVERNMENT OF INDIA ********* Dated Aizawl, the 2nd July, 2004Features: OLYMPIC MEDAL LA TURA BEIHNA : BEISEINA PHURRIT AN PHUR D.K.Bharadwaj* August thla a lo thleng anga, khawvel infiamna lama inunauna rilru chuan Athens khawpui, hmanlai khaw ropui leh Greece khawpui mawi lam a hawi leh thup tawh ang. Athens khawpuiin 28th Summer Olympic Games August ni 13 atanga 29 chhunga ropui leh langsar taka a thleng tur hi thil namai a ni lo. A tunhma ropuina chhuangin Greece chuan hman lai atanga a lo din chhuah Olympiad ropuina leh zahawmna hi a keng tlat dawn a. Athens khawpui hi Games lo intan April ni 6, 1896 atanga tunlai Olympic Games thleng leh hmasa bertu a ni. Games hmasa berah hian inelna chi 43-ah ram hrang 14 telin infiammi 245 chauh an inlan a. Mahse, tunah chuan ram 200 chuang atangin infiammi 10,500 chuang Athens-ah hian pungkhawmin infiamna chi 28-a event 300 velah an inel dawn a ni. Hemi tuma neih tur danglamna chu Sydney Games-ah pawh la awm hman lo hmeichhe freestyle wrestling awm tur hi a ni. Antwerp Games, 1920 a neih atanga la tel ngar ngar India-in Athens a rawn dak ve tur hi kawng hrang hranga che tha tura beiseina avangin a pawimawh bik hle dawn a. India hi Asian Games leh Commonwealth Games-ah te a che tha hle a. Olympic Games-a mimala a chet thatna erawh a khatin a inkar hlat hle. Hei hi tun tumah hian khawih danglam a ni angem? Athens hi India mite tana insiamrem tanna a ni dawn em? Indian squad medal dawng thei awmte engte nge? India tantutena beiseina an neih san em emte chu a hnuaia tarlante hi an ni ang. Anju George Norman G. Pritchard, Kolkata lam chhuak Anglo-Indian, ama thu ngata kum 1900 Paris-a nghah Olympics vawihnihnaa India aiawhtu, 200 metres sprint leh tuna ban tak 200 metres hurdles-a silver la ve vetu hnuah hian India mi tumahin athletics events-ah hian Olympic Games a zawna vawi 19 kan tel tawh chung hian medal pakhat mah dawng an la awm leh lo. Athens-ah erawh hi chuan India mi Anju Bobby George chuan he min daltu hi thiaha ram tan ropuina thlen a tum tlat thung. Indian athletes, Athens Games a tel tura thlanchhuahte zingah Anju George hian long jump-ah chawimawina dawhsan kai ngei tura beiseina a nei sang ber. Amah chauh hi India athletes zinga World Athletics Championship-a medal dawng thei niin August 2003-a Paris-a neih 9th World Athletics Championship-ah long jump-ah pathumna a ni a. Anju chakna bul ber chu a inpekna leh a chhel em emna hi a ni a, hengte avang hian long jump leh triple jump, kum 1999 atanga a ngainat infiamnaah India rama hnehtu an awm thei lova. Pakhatna pawh a ni zing nangiang mai. Long Jump-a India hmeichhia Asiad gold la hmasa ber a ni a. Indian athlete zinga World Athletics Championship-a medal dawng hmasa ber a ni bawk. India athlete zinga rank sang ber niin khawvelah long jump-ah rank 4-na a ni pha. Long jump-a a chet thatna ber la ni reng chu May ni 14, 2004-a Qatar, Super and grand prix Doha kha a ni a, metre 6.82-a thui zuangin gold a la a ni. A American coach, tuna long jump-a khawvel record siamtu Mike Powell phei chuan Anju hian metre 7 a zuan phak a ring tlat a ni. Doha-a a hlawhtlinna kha a chhunzawm phawt chuan Athens-ah hian medal chu dawng ngei tura ngaih a ni. Athens Games-a tel tur hian India Athletes engemaw zat an qualify a. Chungte chu, mipa zingah Bahadur Singh (shotput), Anil Kumar (discuss), Vikas Gowda (discuss), K.M.Binu (400 m) leh Amritpal Singh (long Jump) te an ni a. Hmeichhe zingah discuss throw chak pathum Neelam J.Singh, Seema Antil leh Harwant Kaur, hepotathlete J.J.Sobha leh 400 metres tlan chak Manjit Kaur, Rajwinder Kaur leh S.Geetha te an ni. Paes – Bhupathi Anju George baka India-in medal a dawn theihna hun remchang a neih leh chu Leander Paes leh Mahesh Bhupathi te tennis-a men’s doubles event-a an tel tur hi a ni. Tunlai hian international tournament-ah Paes leh Bhupathi-te hian midang partner-ah hmang mahse Davis Cup leh Asiad event-ah India tan an kheldun thei a. Doubles-a World No.1 lo ni tawh thin he pair ropuite pahnih hi an inkawp chuan huphurhawm tak tur an ni. Bhupathi hian Belarussian Max Mirnyi kawp chawtin Paes hian Czech Republic mi David Rikl a kawp chawt bawk. Athens Olympics lo thlen hma hian he mite pahnih hian tunhmaa an theihna tihlan nan tournament-a inkawp leh an tum a. India ramin pair a la neih that berte hian French Doubles title 2 leh Wimbledon titles 1 an la tawh a, heng bakah hian Grand Slam events-ah mixed doubles-in title 3 an la tawh bawk. Tunhmain Indian reng reng Grand Slams event-a singles emaw doubles-a title la reng reng an la awm lo. Indo tura piang Paes-a Davis Cup record hi singles leh doubles-ah a chhelo teh asin. Atlantic Games, 1996 khan India tan tennis singles-ah bronze medal a dawng a. Bhupathi hi doubles player lar tak, kawppui dang dangte nena doubles-a title 30 chuang la tawhtu a ni bawk. Kum 32-a upa Paes hi nikum August-a a natna thluak lam thalo avang khan thih hlauhthawnawmin a han awm a. Mahse, chu natna chu huaisen taka hnehin Indian team chu Davis Cup-ah a hruai leh a. Kum upa lam an ni tawh nain Paes leh Bhupathi te hi huphurhawm tak chu an la ni e. Tawnhriat ngah leh indomi tuarchhel tak ve ve an ni a. US, Australia, France, Sweden, Czech Republic leh Belgium te atangin doubles huphurhawm tak tak tur lo inlar dawn mahse Athens-ah hian Indian-te hi medal dawng pha ngei tura tlang ngaih an ni. Shooting Silaikah hi intihsiakna zinga India-in Athens khawpuia Games a thlen tura India chet that beiseina tak pakhat a niin khawvel huapa silaikah thiam ngah tak kan ni. He Athens Games atan hian silaikah thiam pariat lai an tling a. Chungte chu – Anjali Vedpathak Bhagwat (air rifle leh sports rifle three position) leh Abhinav Bindra (air rifle), Major Rajyavardhan Singh Rathore (double trap), Mansher Singh (trap), Manavjit Singh (trap), Gagan Narang (air rifle), Suma Shirur (air rifle) leh Deepali Deshpande (sport rifle three positions). Silaikah thiam tan vek, an chet fuh chuan medal beiseiawm vek an nih rualin anmahni ngaisangtute chuan Anjali Vedpathak, rawlthar Abhinav leh Major Rathore chungah beiseina an nghat lian hle. Kum 34-a upa CISF Inspector, Mumbai chhuak Anjali hian medal 6 dawng tawhin gold 2 leh silver 3 chu world cup-ah dawngin world cup final a thleng zing hle bawk. Abhinav Bindra pawh hian tournament ropui tak takah medal tam tak a dawng tawh a. Manchester Commonwealth Games-a gold 2 dawngtu kum 31 a upa Major Rajyavardhan Singh Rathore hian double trap gold tun hnai khan Sydney world cup-ah a la a ni. Tun hnaia a chet that avang hian world rankings-ah a sang ber a. Tunhnaiah hian Abhinav-a chanchin thar kan hre lem lova, mahse, silaikahthiam tak a nih avangin a elpuite tan ngaihthah mai chi a ni lo vang. Kum 20-a upa Hyderabad silai kahthiam Gagan Narang hi star lo chawr chhuak mek a niin tunhnai phei hi chuan Abhinav Bindra ai mahin air rifle events-ah a che tha zawk. Suma Shirur leh Deepali Deshpande pawh sang tak thleng thei tur an ni a. Suma phei hi chuan point 400-ah 400 score-in world record a tluk a, hei hi February thlaa Kuala Lumpur-a 10th Asian Shooting Championship-a air rifle-a gold a lakna kha a ni. Kuala Lumpur-a Trap-a individual gold latu veteran Mansher Singh hi khawvel huapa kum sawmhnih chhung zet lo chetla tawh a nih avangin a dinhmun a chhe lo hle. Heng ho hi Olympics-a Indian shooting squad tha ber an ni. Hockey India hi tunah khawvel hockey thiam lamah 6-na niin Olympics vawinga neih tawhah medal erawh a la la lo. Mahse, hockey hian India rama ngaisangtu rilru a la hneh lo theilo. Junior level-ah India chu khawvelah a chungnung ber a ni. Senior-te hi talent nei tha an ni chunga tournament-a an che tha thei lo erawh thilmak angreng tak a ni. Athens-a Indian hockey team-te hmabak hi defending champion-te nena group khata dah an nih avangin a eng tehchiam lo. Netherlands leh Australia te nen Group B-ah an awm. India pool-a team dangte chu Argentina, New Zealand leh South Africa te an ni a, anni pawh hi an khauh fat ang. Pool A hi ziaawm tura ngaih an ni a, Germany, Pakistan, Britain, Spain, South Korea leh Egypt an awm. Indian team-te hian medal dawng tur hian thi leh thau pawlha an tan erawh a ngai dawn a ni. Kahpathir anga khauh Hmeichhiate Sydney-a Karnam Malleswari hlawhtlinna khan thalaite zingah chona leh phurna nasa tak a thlen chungin ritchawi lamah hian a nu-a-pain tuman tunhnaiah hian Asia ram dangte angin chawimawina an la dawng thei lem lo. Athens-a tel tur hian India chuan hmeichhe ritchawi chak 4-te tel theihna a nei a. Mahse, tutenge tel tur hming puan a la nilo. Mahse, rin dan chuan kum 28-a upa Karnam Malleswari, Sydney-a bronze medal dawngtu leh kum 38-a upa N.Kunjarani Devi te hian India ram beiseina tihhlawhtlin an tum hmel. Hei hi Kunjarani Olympic-a a tel vawikhatna tur a ni a, mahse, amah hi khawvel ritchawi lama ropui bera chhiar zingah a tel thung. Thalkapthiamte Nikum July thla khan India rama thalkapthiam lar lemlote chuan New York-ah thal inkahsiakah khawvel mak tih an hlawh a, men’s-team te chuan semifinal thlengin hmeichhe team-ten quarterfinals an thleng. Men’s-team hi 4-na niin hmeichhiate hi 6-na an ni a, Athens Games-ah an tel ve thei ta a ni. He rama thal kapthiamte hian chawimawina ngaihsak hlawh an phu ang chiahin Athens Games-ah pawh hian medal dawn beiseiawm an ni pha. Olympics-a inelna hi erawh chu khawvel championship dangte ang lo takin tihtakzeta beih a tul a. Archer-te pawhin hei hi hrerengin Olympic medal lakna item-a hman ngei tumin an inbuatsaih ngawrh hle. India atanga infiammi 60 chuangte chu Athens Games-a tel tur hian an tling tawh a, hming thehluh hun tawp hmain hming dang pawh a la telin a rinawm. India chuan Sydney Games-a infiammi 71 thawna hmeichhia 24 a thawn aia tam mah kha Athens-ah hian a thawn thei ang. Badminton, table tennis, rowing, judo, swimming, boxing leh wrestling ah te pawh chance kan nei miah lo a ni lo. Olympics thlarau lo inlar huvang a nat ang hian Games-a tel ve hrim hrim hi a pawimawh ve em em a ni. Thuziaktu hi Sports Writer a ni. 2/7/2004 No.A- 4/17/04-pub/AZL 02072004 1430hrsDirectory: feature feature -> Status: U. S. Navy, Active Duty Hometown: Sour Lake, Texas Current command feature -> 1: Im eo, Chee W, Lim hj, Bender M, Tsai hm, Yang so, Lee H feature -> The Final Report on the Gli Gli Leeward Island Expedition May 2007 feature -> Header: nato’s Birth feature -> The Contested Commons feature -> Henry Colburn " What do you expect to find here, Doctor?" feature -> Adding a Personal Touch to Automotive Interior Lighting via lin by Michael Bender, Melexis feature -> 1947 Cadillac Series 6207 5 Passenger Coupe Owned by Larry and Linda Klement. Restored as original feature -> Feature Articles Table Of Contents Download 15.63 Kb. Share with your friends:
|