Lekalolar. Turli egri shakldagi plastmassalardan yasalgan bo‘lib, har xil egri chiziqlarni chizishda ishlatiladi (8-a, rasm). Egri chiziqlarni chizish uchun uning bir necha nuqtalari topiladi va qo‘lda ingichka chiziq bilan taxminiy chizib chiqiladi. So‘ngra lekaloni nuqtallar ustiga qo‘yganda kamida 4 nuqta lekalo cheti bilan ustma-ust tushishi kerak, shunda, qalam bilan tutashtiriladi (8-b, rasm).
8-rasm
b)
a)
Gotovalnik (gotovalnaya) - maxsus qutichaga joylashgan chizmachilik asboblari to‘plami, vazifasi va ichidagi asboblar soniga qarib gotovalniklarniing bir qancha (U1, U9, U10, U13, U14 va X,K) turlari mavjud. Quyida gotovalnik ichidagi asboblari haqida tafsilot berilan.
Chizma sirkuli (pargar).Bu barcha aylana va yoylarni chizishda ishla tiladi. Sirkulda ikki oyoqcha bo‘lib birida igna, ikkinchisida qalam-grafit yoki tush bilan chizishda ishlatiladigan reysfeder o‘rnatiladi (9-v,rasm). Ayrim holarda katta diametrli aylanalarni chizish uchun qo‘shimcha moslama qo‘yiladi (9-g,rasm). Sirkul ignasi va qalami 9-a,rasmda ko‘rsatilganidek bo‘lishi kerak.
O‘lchash sirkuli(izmeritel). Ikkita igna uchli oyoqchalari bo‘lgan asbob bo‘lib, chizmadagi o‘lchamlarni o‘lchashda yoki chizmalarga bir xil o‘lchamlar qo‘yishda ishlatiladi (10-d,rasm).
O‘lchash kronsirkuli. (izmeritel). Ikkita igna uchli oyoqchalari bor bo‘lgan asbob bo‘lib, chizmadagi o‘lchamlarni o‘lchashda yoki chizmaga o‘lchamlar qo‘yishda ishlatiladi. Ikki oyoqchasining o‘rtasida rezbali g‘ildirakchasi bor, bu bilan o‘lcham olingandan keyin bir necha joyga o‘lchab qo‘yishda, masofa o‘zgarib ketmaydi (10-v,rasm).
Kronsirkul. Ayrim kichkina diametrli (2 mm dan 12 mm gacha) aylanalarni chizish uchun g‘ildirakli kronsirkul ishlatiladi. Chizmadagi aylana diametriga moslash uchun vint bilan burab boshqariladi (10-a,rasm).
