Bino konstruktiv elementlari. Binoning asosiy konstruktiv elementlari 206-rasmda keltirilgan. Poydevorlar (1) qattiq yer sathiga qo‘yilib, uning ustiga qurilgan elementlar yukini yerga uzatuvchi qismdir. Poydevorlar uzliksiz (lentasimon) va ustunsimon bo‘ladi. Lentasimon poydevorlar devorlarning butun uzunligi bo‘yicha quriladi, ustunsimon va poydevorlar esa alohida ustunlar ko‘rinishida quriladi va ularga temir beton to‘sinlar yotqiziladi, devorlar esa shu to‘sinlar ustiga o‘rnatiladi.
Devorlar (4) – ish bajarishiga qarab ichki va tashqi devorlarga bo‘linadi. Tashqi devorlar binoni tashqaridan bo‘ladigan ta’sirlardan to‘sish, ichki devorlar esa xonalarni bir-biridan ajratib turish vazifasini bajaradi. Bundan tashqari yuk ko‘taruvchi devorlar, orayopmalar va tom og‘irligidan hosil bo‘lgan yuklarni poydevorga uzatadi.
Pardadevor (7) – binodagi yondosh xonalarni bir–biridan ajratib turadi.
Sokol (kursi) (3) – tashqi devorning pastki qismi bo‘lib, devorlarni atmosfera namligidan, shikastlanishdan saqlaydi.
Otmoska (2) – suvlarni bino devoridan uzoqlashishiga xizmat qiladi.
