Fasali na Ɗaya Ma’anar Karatu da dalilan Yin Karatu. Gabatarwa

Banda magana, rubutu shi ne akasari jama’a ke amfani da shi wajen sanar da juna abubuwan da suke yi musamman a ɓangaren kasuwanci da kuma yin yarjejeniya tsakanin ƙasashe. Saboda haka, rubutu kan bunƙasa tattalin arzikin ƙasa, ya kuma haɗa kan ƙasashe daban-daban idan aka yi amfani da shi yadda ya kamata.

Hanya ce ta ilimantar da jama’a.

A ɓangaren watsa labarai ko na gidajen rediyo ko kuma na jaridu, rubutu shi ne tushensu.

Rubutu na iya kawo gaba tsakanin mutane har da ƙasashe in ba a yin amfani da shi yadda ya kamata ba. Yakan ɓunkasa zaman lumana.

Kome a rubuce kan ɗauki tsawon lokaci kafin ya ɓace. Da wuya a ne musunta shi.

Ta hanyar rubutu muke sanin abin da ya faru a baya da kuma samun ilimin da muke amfani da shi a yau, shi kuma muke amfani da shi wajen shirya na gobe.

Tambayoyi

1. 
   Me ake nufi da kalmar rubutu?
   
2. 
   Lissafa kashe-kashen rubutu da muke da su.
   
3. 
   Yi bayani mai gamsarwa a kan rubutun insha’i da rubutun wasiƙa.
   
4. 
   Kawo Muhimmancin rubutu guda biyar?